Святлана Ціханоўская разам з кіраўніком Кабінета прадстаўнікоў Валерам Кавалеўскім і прадстаўніком па эканамічных рэформах Алесем Аляхновічам у Польшчы правяла сустрэчу з віцэ-прэзідэнткай Еўрапейскага інвестыцыйнага банка Тэрэзай Чарвінскай. Чарвінска – віцэ-прэзідэнтка ЕІБ з 1 сакавіка 2020 года. Да гэтага яна працавала міністаркай фінансаў Польшчы і была чальцом кіраўніцтва Нацбанка Польшчы.
З Ціханоўскай яны абмеркавалі магчымыя праекты рэформаў і інвестыцыі ў эканоміку новай Беларусі. Галоўная задача цяпер – ператварыць агульныя дамоўленасці ў канкрэтныя праекты, якія дапамогуць Беларусі ў пераходны перыяд і пасля. Нагадаем, на мінулым тыдні Ціханоўская ўжо сустракалася з кіраўніком банка Вернерам Гоерам.
