Падчас тэлефанавання Святлана Ціханоўская і прадстаўнікі BYPOL абмеркавалі ўзлом «Беларускай чыгункі» Кіберпартызанамі і тое, што BYPOL стварыў свой кібер-аддзел з IT-спецыялістаў на базе «Перамогі».
Таксама абмеркавалі пытанне наяўнасці замежных войскаў на тэрыторыі Беларусі.
Алег Талерчык сказаў: «З боку нелегітымнага Мінска няма інфармацыі пра тое, як будуць выводзіцца войскі. Яны кажуць толькі тое, што першы этап працягнецца да 9 лютага, другі – 20-га. Кожны беларус павінен ведаць дату, што 20 лютага павінна быць аб'ява пра вывядзенне войскаў. Інакш у краіне пачнецца акупацыя. Бо рэжым увёў у краіну замежныя войскі».
Аляксандр Азараў паведаміў, што прама цяпер у шэрагах вайскоўцаў ідзе ідэалагічная апрацоўка, пры якой іх пераконваюць што ворагі – гэта ўсе суседнія дзяржавы і народы, акрамя Расіі. Ён таксама дадаў, што план «Перамога» ў выпадку акупацыі Беларусі перафарматуе сваю працу на барацьбу з падвойнай пагрозай:
«Мы трывалі Лукашэнку 27 гадоў, і час адказваць за гэтае маўчанне. Цяпер не час для настрою, што можна хутка і лёгка атрымаць перамены, не ўцягваючыся ў пратэст. Далучайцеся да плана «Перамога». Вы павінны разумець, што ніякі BYPOL не выступіць за ўсіх беларусаў, а толькі беларусы могуць выступіць за сябе».
Далучыцца да плана «Перамога» – https://planperamoga.org