Сёння беларускі кокус у Кангрэсе ЗША заклікаў ініцыяваць правядзенне міжнароднага трыбунала і ўвесці новыя санкцыі супраць рэжыму ў Беларусі і каардынаваць дзеянні з ЕС

Святлана Ціханоўская: «Я ўдзячная кангрэсменам за тое, што адразу пасля візіту ў ЗША мы бачым дапамогу і хуткія дзеянні – як рэакцыю на падзеі ў Беларусі. Гэта першы выпадак у нашай гісторыі, калі Беларусь мае такую   падтрымку ва ўсім свеце.

Калі на маршах беларускі народ скандаваў «трыбунал» і «не забудзем, не прабачым» – свет нас чуў. Зараз свет гатовы дзейнічаць. І кожны беларус, кожная беларуска, якія хочуць вярнуць у краіну закон, спыніць гвалт, вызваліць палітвязняў і прагаласаваць на новых сумленных выбарах, – няхай будуць гатовыя дзейнічаць таксама. Рэгістрацыя ў «Рабочым Руху» і плане «Перамога» працягваецца, кожны дзень там становіцца ўсё больш людзей, якія гатовыя атрымаць падрабязныя інструкцыі, што трэба рабіць, каб вярнуць у краіну закон».

Падчас візіту ў ЗША Святлана Ціханоўская прысутнічала на запуску беларускага кокуса ў Кангрэсе ЗША. Гэта група кангрэсменаў, якія працуюць па тэме Беларусі. Офіс Ціханоўскай вядзе кансультацыі, каб падобная група з'явілася і ў Сенаце ЗША.

6 жніўня 2021 в 15:25