«Сёння фрыстайлістка Ганна Гуськова, якая падпісала ліст за сумленныя выбары, заваявала срэбны медаль на Алімпіядзе ў Пекіне. Я віншую Ганну і жадаю ёй яшчэ шмат медаляў і перамог.
І ў гэты ж час я спачуваю тым спартоўцам, якіх прымусілі запісваць «пакаяльныя» відэа, дзе яны на фоне сцяга апраўдваюцца, што не прынеслі краіне медалёў. Сама практыка гэтых відэа зневажае чалавечую годнасць. Спартовец, які не заваяваў медаль, не становіцца ад гэтага «злачынцам». Паразы – таксама частка спорту, і атлеты не павінны апраўдвацца за іх.
Усім нам патрэбная краіна, у якой каштоўны кожны беларус незалежна ад таго, ці выйграў ён медаль, ці лаяльны ён ураду і ці кажа ён услых пра тое, што думае».
