Прэзідэнтка Грэцыі Кацярына Сакелларопулу прыняла Святлану Ціханоўскую ў прэзідэнцкім палацы ў Афінах і выказала падтрымку беларускаму народу. Вынікі – коратка:
– Ціханоўская падзякавала Грэцыі за тое, што яе пасол не ўручыў даверчыя граматы Лукашэнку, паколькі ён страціў легітымнасць і давер беларускага народа.
– Расказала пра бяспраўе і эскалацыю рэпрэсій у краіне, суды па справах Мікалая Статкевіча, Паўла Севярынца, Сяргея Ціханоўскага, журналістаў і студэнтаў.
– Паведаміла пра нечалавечыя ўмовы ўтрымання ў турмах і прапанавала Грэцыі прыняць на рэабілітацыю рэпрэсаваных і сем'і палітвязняў.
– Заклікала падтрымаць рабочых і страйкамы, а таксама дапамагчы студэнтам і спартоўцам, якія апынуліся пад ціскам рэжыму і не могуць працягваць сваю дзейнасць у Беларусі. Ціханоўская зазначыла, што важна даць магчымасць адлічаным студэнтам заставацца і працягваць дзейнасць у Беларусі, пры гэтым навучаючыся ў грэчаскіх універсітэтах.
– Абмеркавала з Сакелларопулу дзеянні ЕС, чацвёрты пакет санкцый і Усёабдымны план дапамогі ЕС для Беларусі.
– Ціханоўская заклікала жыхароў Грэцыі падтрымаць беларусаў 29 траўня, у глабальны дзень салідарнасці з Беларуссю – гадавіну з моманту затрымання Сяргея Ціханоўскага.
