Даніэла Фумарола выказала салідарнасць і падтрымку дэмакратычнаму руху і адзначыла, што Беларусь знаходзіцца ў прыярытэтах іх арганізацыі.
Святлана Ціханоўская распавяла пра апошнія рэпрэсіі супраць лідараў беларускіх прафсаюзаў, пастаянны пераслед і ціск на працоўных. Ціханоўская заклікала падтрымаць беларускія прафсаюзныя ініцыятывы, многія з якіх вымушаныя былі рэлакавацца ў іншыя краіны, а таксама дабівацца вызвалення прафсаюзных лідараў, у тым ліку Ярашука, Антусевіча, Фядыніча, Арэшкі і іншых.
Бакі абмеркавалі наступныя крокі пасля прыняцця МАП рашэння аб выкарыстанні 33 артыкула Статута МАП – цяпер нацыянальныя ўрады павінны выпрацаваць абмежавальныя захады да рэжыму Лукашэнкі з мэтай абароны працоўных у Беларусі і вызвалення зняволеных.
