З 16 па 18 кастрычніка Святлана Ціханоўская знаходзілася ў Лондане з працоўным візітам, дзе выступіла з «Вэстмінстэрскай лекцыяй», правяла брыфінг для амбасадараў 24 краінаў Еўрасаюзу, а таксама ўзяла ўдзел у беларуска-брытанскім Форуме.
Былі праведзены сустрэчы з шэрагам брытанскіх палітыкаў. З кім яны былі і што на іх абмяркоўвалася чытайце далей.
- Сустрэча с міністрам замежных справаў Вялікабрытаніі Джэймсам Клеверлі
Падчас сустрэчы Святлана Ціханоўская прапанавала Вялікабрытаніі прызначыць прадстаўніка для кантактаў з дэмакратычнай Беларуссю.
Абмеркавалі і санкцыйную палітыку, асобна – санкцыі супраць Нацыянальнага алімпійскага камітэту Беларусі, і падтрымку спартоўцаў, якія выказаліся супраць рэжыму і вайны.
- Сустрэча з ценявым міністрам замежных справаў Вялікабрытаніі Дэвідам Лэмі
Была абмеркавана сітуацыя з палітвязнямі ў Беларусі і дзеянні па іх вызваленні, а таксама падымаліся пытанні санкцыйнай палітыкі, падтрымкі грамадзянскай супольнасці і рэпрэсаваных.
- Сустрэча з міністрам па правах чалавека Вялікабрытаніі лордам Ахмадам Уімблданскім
На сустрэчы абмяркоўвалі крокі па вызваленні палітвязняў і прыцягненні рэжыму да адказнасці праз Міжнародны крымінальны суд. Таксама Святлана Ціханоўская падняла пытанне юрыдычнай падтрымкі беларусаў у выгнанні, і сказала пра падтрымку праваабаронцаў і рэпрэсаваных.
- Сустрэча з дэпутаткай брытанскага Парламента Вэндзі Мортан, былой брытанскай міністаркай па Еўропе
Абмеркавалі неабходнасць скаардынаванай стратэгіі па Беларусі, падтрымку незалежных медыяў і прыцягнення Лукашэнкі да адказнасці. У размове Святлана Ціханоўская падкрэсліла, што беларусы працягваюць барацьбу і не спыняцца, пакуль не пройдуць сапраўдныя свабодныя выбары.
- Сустрэча з Тэрэзай Мэй, адной з лідарак Кансерватыўнай партыі
Бакі абмеркавалі расійскую прысутнасць у Беларусі і крытычную сітуацыю з палітвязнямі. Беларуская лідарка выказала спадзяванне на парламенцкую падтрымку новай і рашучай стратэгіі па Беларусі, якая павінна адрозніваць рэжым і беларусаў.
- Сустрэча з ценявым міністрам абароны Вялікабрытаніі Люкам Полардам
На сустрэчы абмяркоўвалі палітыку Вялікабрытаніі па Беларусі, эфектыўнасць санкцыяў і механізмы прыцягнення рэжыму да адказнасці.
Таксама падымалася тэма пагрозы незалежнасці з боку Расіі і захады, якія можа прыняць Вялікабрытанія, каб не дапусціць паглынання Беларусі.
- Сустрэча з членамі Палаты абшчын і Палаты лордаў Вялікабрытаніі
Святлана ЦІханоўская заклікала зрабіць Беларусь адным з прыярытэтаў брытанскай палітыкі і падтрымаць дэмакратычныя сілы на міжнароднай арэне. Абмяркоўваліся крокі па вызваленні палітвязняў, падтрымка рэпрэсаваных і тых беларусаў, якія жывуць у Вялікабрытаніі.
- Сустрэча з беларусамі Лондана
Святлана Ціханоўская падзякавала беларусам за арганізацыю беларуска-брытанскага Форуму. Падчас сустрэчы яна распавяла пра працу Офіса, Аб’яднанага Пераходнага Кабінету і дэмакратычных сілаў. Падзялілася апошнімі навінамі па працы над пашпартам новай Беларусі і адказала на пытанні.
