На канферэнцыі Новай Беларусі дэмакратычныя сілы прынялі чатыры дакументы.
«Дэкларацыя аб сяброўстве Беларусі ў Еўрапейскім саюзе» дэкларуе геапалітычны выбар краіны і заахвочвае дэмсілы да супрацоўніцтва з Еўрасаюзам у разнастайных галінах.
«Рэзалюцыя дэмакратычных сілаў Беларусі пра салідарнасць з народам Украіны» – маніфест падтрымкі ўкраінскаму народу ў змаганні з пуцінскай Расіяй і асуджэння рэжыму Лукашэнкі як саўдзельніка агрэсіі.
«Палітычная дэкларацыя дэмакратычных сілаў Беларусі» акрэслівае ключавыя пункты стратэгічнай працы, якая павінна прывесці да дэмакратычных зменаў у Рэспубліцы.
«Заява аб выбарах 2024 года» заклікае грамадзянаў Беларусі не ўдзельнічаць у кампаніі, зладжанай рэжымам, а міжнародную супольнасць – не прызнаваць яе вынікі.
Адзначым, што ўсе матэрыялы прайшлі распрацоўку на круглым стале дэмсілаў напярэдадні канферэнцыі «Новая Беларусь 2023».
