Вось пра што казаў Алег Талерчык:
- Пра вызваленне Беларусі
«Вызваленне нашай краіны – гэта задача і тых беларусаў, хто ў Беларусі, і тых, хто па-за Беларуссю. Міжнародная супольнасць можа дапамагчы, але не ўратуе Беларусь. Гэта могуць зрабіць толькі самі беларусы. Для гэтага створаны план «Перамога».
- Пра працу сістэмы распазнання асобаў KIPOD
«Гэтая сістэма дзейнічае. Калі не жадаеце быць ідэнтыфікаванымі па камерах, трэба нахіляць твар уніз, закрываць твар маскай, насіць кепку. У ідэале ўвогуле не дзейнічаць пад камерамі або надзяваць маску, якая цалкам закрывае вочы (напрыклад, тэатральную маску як у містэра Ікс). Асноўная ідэнтыфікацыя адбываецца па кропках ля вачэй. Па іх супастаўляюць фота з базаў дадзеных. Адзенне павінна быць някідкае: шэрае або чорнае без ідэнтыфікуючых элементаў».
- Ці ёсць магчымасць апазнаць сілавікоў, якія праводзілі ператрусы і допыты, для прыцягнення іх да адказнасці ў будучыні?
«Так, калі ёсць фота. Цяпер у пратаколах пішуць прыдуманыя прозвішчы. Па сутнасці, пратаколы ліпавыя. Гэта парушэнне, бо беларускае заканадаўства не прадугледжвае «псеўданімы» ў службовых асобаў у крымінальным працэсе».
- Чаму так важна расклейваць стыкеры і ўлёткі?
«МУС фактычна развалена. Цяпер павінна прайсці хваля звальненняў людзей, якія мінулым летам падпісаліся за альтэрнатыўных кандыдатаў. Некамплект некаторых РАУС складае 50%. А распаўсюджванне ўлётак і стыкераў дабівае гэтую сістэму. Камусьці можа здацца, што гэта чарговая мірная акцыя, але насамрэч гэта чарговыя дровы, якія падтрымліваюць агонь пад катлом. Вечка гэтага катла абавязкова сарвецца. Працу з улёткамі (з захаваннем усіх мераў бяспекі) трэба абавязкова працягваць. Нават калі вам падаецца, што яна не моцна ўплывае на людзей, ведайце, што яна вельмі сур'ёзна ўздзейнічае на МУС і нервы супрацоўнікаў. Гэта мы ведаем дакладна, гэта не папулісцкія словы, а інфармацыя знутры сістэмы».
Далучыцца да плана «Перамога» можна па спасылцы: https://planperamoga.org
