– 25 і 27 сакавіка беларусы адзначылі Дзень Волі больш чым у 20 гарадах Беларусі, нягледзячы на рэпрэсіі і масавыя затрыманні. «Я захапляюся кожным, хто прыняў удзел у акцыях, выйшаў сам, вывесіў сцяг, арганізаваў акцыю са сваім дваром. Нашая барацьба працягваецца, і вясна толькі пачынаецца».
– Валанцёры Офіса Святланы Ціханоўскай завершылі кампанію да Дня Волі «Горад наш». Вынікам сталі феерверкі, сцягі, сімвалы і графіці ў гарадах Беларусі.
– У Вільні Святлана Ціханоўская ўзначаліла святочнае шэсце з 300-метровым беларускім сцягам. Таксама яна сустрэлася з прэзідэнтам Наўседам.
– У больш чым 40 краінах прайшлі акцыі салідарнасці з Беларуссю. Дыяспары арганізавалі пікеты, шэсці, ланцугі салідарнасці, велапрабегі. Лідары ЗША і краін ЕС павіншавалі беларусаў са святам.
– У Вільні прайшоў Форум Кастуся Каліноўскага з удзелам прэм'ера Літвы, Вярхоўнага прадстаўніка ЕС, прадстаўнікоў міжнародных арганізацый. Спікеры ЕС, ЗША і АБСЕ падтрымалі ініцыятыву Ціханоўскай пра перамовы і запатрабавалі спынення гвалту і вызвалення палітвязняў.
– Рада па правах Чалавека ААН і ЕС запускаюць спецыяльныя механізмы па зборы доказаў парушэнняў правоў чалавека і прыцягнення вінаватых да адказнасці:
- Рада па правах чалавека ААН прыняла рэзалюцыю па Беларусі і запусціць механізм па расследаванні парушэнняў правоў чалавека ў Беларусі і прыцягнення вінаватых да адказнасці.
- Вялікабрытанія, Германія, Данія і яшчэ 12 краін ЕС стварылі платформу для збору доказаў парушэнняў правоў чалавека ў Беларусі. Платформа не заменіць механізм ААН, але будзе працаваць у яго падтрымку.
– Святлана Ціханоўская сустрэлася з кіраўніком праваабарончага цэнтра «Вясна» Алесем Бяляцкім, правяла тэлефанаванні з прадстаўнікамі працоўнага руху, дваровых супольнасцяў, прадстаўнікамі Штаба Бабарыкі, Каардынацыйнай Рады і НАУ.
– На віртуальнай сустрэчы з аб'яднаным стачкамам «Нафтана», БМЗ і «Гродна Азота» Ціханоўская выказала падтрымку працоўным, падзякавала дыяспары за падтрымку і заклікала беларусаў падтрымаць аб'яднаны стачкам. Актывістаў стачкі затрымліваюць за ўдзел у відэа, аказваюць моцны ціск і пераследуюць.
– Ціханоўская выступіла перад дэпутатамі Еўрапарламента, сустрэлася з дзяржсакратаром Нарвегіі і паслом Іспаніі. Плануецца сустрэча з міністрам замежных спраў Іспаніі.
– Спецпрадстаўнік Святланы Ціханоўскай па выбарах Аляксандр Шлык апублікаваў праект пастановы аб тым, як можна арганізаваць вылучэнне кандыдатаў на новых выбарах прэзідэнта Беларусі.
– У інтэрв'ю National Public Radio (ЗША) і Politico (ЗША) Ціханоўская распавяла пра пратэсты ў нашай краіне, рэпрэсіі супраць мірных беларусаў і ініцыятыву аб перамовах.
– Кіраўнік Кабінета Ціханоўскай Валер Кавалеўскі завершыў візіты ў Славенію і Сербію. Славенія падтрымала заклік да перамоваў. Раней афіцыйны Бялград далучыўся да дэкларацыі ЕС аб непрызнанні вынікаў прэзідэнцкіх выбараў у Беларусі. Цяпер Сербія і Офіс Ціханоўскай дамовіліся прадоўжыць кансультацыі.
– Кавалеўскі звярнуўся да супрацоўнікаў сілавых структур: «Генералітэт разумее, што блізкі дзень, калі «Алмаз», САХР, Дэпартамент Аховы, ГУБАЗіК, «Альфа», АМАП, ССА, 3214 і іншыя – адмовяцца выконваць злачынны загад і выйдуць з падпарадкавання злачынцу» .
– Нарвегія, Фінляндыя, Швецыя, Германія, Аўстрыя, Славенія падтрымалі заклік да перамоваў для вырашэння крызісу ў Беларусі.
– Офіс Ціханоўскай працягвае кансультацыі з ПА АБСЕ і Радай Еўропы з нагоды арганізацыі перамоваў. Названыя 7 галоўных прычын, чаму міжнародная супольнасць падтрымлівае ідэю галасавання. У найбліжэйшы час Ціханоўскі абвесціць план дзеянняў для падрыхтоўкі да перамоваў.
На фота: Святлана Ціханоўская і прэзідэнт Літвы Гітанас Наўседа.
Не забывайцеся прагаласаваць на платформе «Голас»!
Прамая спасылка на галасаванне ў Telegram: https://t.me/golosby_bot
Прамая спасылка на галасаванне ў Viber: http://bit.ly/golos-vb
