Сёння быць маладым беларусам або беларускай можа здавацца выклікам. Знайсці ўніверсітэт, працу або жыллё становіцца складана, калі дзяржава не толькі не дапамагае, але і абмяжоўвае правы і магчымасці. У такія моманты важна мець бяспечную прастору, дзе можна знайсці адказы на свае пытанні і рэсурсы для руху наперад.
Что такое «Гэта Моладзь»?
«Гэта Моладзь» — гэта платформа для падтрымкі беларускай моладзі ў любы час і ў любой кропцы свету.
Місія платформы — абараняць правы моладзі, даваць доступ да магчымасцяў і падтрымліваць актыўны ўдзел у пабудове дэмакратычнай Беларусі.
«Я веру ў сілу моладзі змяняць свет, і нашая платформа тут, каб падтрымаць вас на гэтым шляху. Вашая рашучасць, вашая энергія і вашыя ідэі могуць разбурыць старыя бар’еры і пабудаваць свабоднае, дэмакратычнае грамадства. Разам мы можам стварыць свет, дзе кожны голас мае значэнне.»Што карыснага ёсць на платформе?
Сайт прапануе рэсурсы па наступных напрамках:
- Адукацыя і кар’ера: курсы, вакансіі і рэкамендацыі па прафесійным росце.
- Права: тлумачэнні законаў і алгарытмы дзеянняў у складаных прававых сітуацыях.
- Здароўе: матэрыялы пра тое, як справіцца са стрэсам і паклапаціцца пра фізічны стан.
- Жыллё: парады па пошуку жылля і планаванні будучыні.
- Магчымасці для моладзевых арганізацыяў і ініцыятываў: падборкі грантавых конкурсаў, інструкцыі па падрыхтоўцы заявак і дапамога ў наладжванні партнёрстваў.
Як карыстацца сайтам?
- Даследуйце інфармацыю па раздзелах. Там вы знойдзеце адказы на папулярныя пытанні, парады, пакрокавыя інструкцыі па складаных працэсах (напрыклад, паступленне), а таксама катэгарызаваную інфармацыю па розных тэмах.
- Удзельнічайце ў мерапрыемствах. Далучайцеся да вэбінараў, майстар-класаў і анлайн-сустрэчаў для моладзі. Анонсы даступныя ў Instagram.
- Атрымлівайце кансультацыі. Калі ў вас засталіся пытанні, пакіньце зварот — і цягам 24 гадзінаў вам адкажуць.
Платформа расце разам з карыстальнікамі і карыстальніцамі. Таму вашыя запыты — галоўны арыенцір для каманды.
Ініцыятыва створаная Прадстаўніцтвам па моладзі Аб’яднанага Пераходнага Кабінета Беларусі пры падтрымцы Фонду Фрыдрыха Наўмана за свабоду. Праект служыць платформай для збору патрэбаў моладзі, каардынацыі ініцыятываў і аказання практычнай дапамогі.
