«Вольныя паштоўкі» — ініцыятыва, заснаваная для асвятлення тэмы палітычных зняволеных праз іх творчасць, кампаній салідарнасці з імі і збору грошай на патрэбы людзей, якія несправядліва знаходзяцца за кратамі.
Праект пачаўся ў 2021 годзе і з часам пашырыў фокус — ад творчых матэрыялаў да шырокай тэмы палітзняволеных.
Мэта
Ініцыятыва імкнецца зняць стыгму «злачынцаў», якую на палітычных зняволеных навешвае рэжым, і паказваць іх як асобных людзей — у якіх ёсць сем’і, сябры, сяброўкі, праца, хобі, захапленні, дасягненні і планы на будучыню.
Таксама «Вольныя паштоўкі» збіраюць грошы на падтрымку палітзняволеных праз мерч, каб падтрымаць палітычных зняволеных матэрыяльна,
Кірункі працы
Каб дасягнуць сваіх мэт, ініцыятыва:
- публікуе творы (вершы, малюнкі) палітзняволеных і вядзе праект «Вершы з-за кратаў»;
- арганізуе акцыі салідарнасці — напрыклад, адвэнт-календары з практычнымі заданнямі і прызамі;
- робіць інфармацыйныя матэрыялы і кампаніі для беларускай і міжнароднай аўдыторыі;
- стварае мерч з творамі палітычных зняволеных (і не толькі) для збору сродкаў.
Вынікі працы
За некалькі гадоў ініцыятыва вырасла ў сталую каманду, якая рэгулярна стварае кантэнт, мерч і інфармацыйныя кампаніі ў падтрымку палітвязняў.
За гэты час:
- атрыманыя і знойдзеныя сотні малюнкаў палітычных зняволеных,
- апублікаваныя больш за 350 вершаў у межах праекта «Вершы з-за кратаў»,
- створаныя сотні дызайнаў мерчу – паштовак, шопераў, цішотак,
- праведзеныя тры маштабныя адвэнт-марафоны і некалькі тэматычных акцый, да якіх далучаліся сотні ўдзельнікаў і ўдзельніц,
- сабраныя больш за 25 тысяч еўра на патрэбы палітвязняў праз анлайн- і афлайн-акцыі.
Падтрымка
Сабраныя сродкі накіроўваюцца на перадачы і іншую падтрымку для палітзняволеных праз арганізацыю Dissidentby. Вы можаце замовіць мерч ці зрабіць данат на сайце арганізацыі.
Ініцыятыва адкрытая да прапаноў і супрацоўніцтва. Звяжыцеся з камандай праз сацыяльныя сеткі або пошту v.pashtouki@gmail.com, калі хочаце нешта прапанаваць.
