Сёння, 4 лютага, беларуская лідарка правяла сустрэчу з прадстаўнікамі беларускіх пляцовак.
Удзел у сустрэчы ўзялі Паліна Бродзік (Free Belarus Center), Алесь Зарэмбюк (Беларускі дом у Варшаве), Уладзь Кобец (Цэнтр беларускай салідарнасці), Галіна Казіміроўская (фонд «Вольны Хор», Беларуская школа мастацтваў імя М. Равенскага ў Варшаве), Наталля Задзяркоўская (Музей вольнай Беларусі), Алесь Лапко (Беларускі Моладзевы Хаб).
Асноўнай тэмай абмеркаванняў стаў цяперашні стан беларускіх ініцыятываў у польскай сталіцы, а таксама іх патрэбы, планы на будучыню і шляхі ўзмацнення супрацоўніцтва і кааперацыі.
Святлана Ціханоўская:
«Я вельмі радая, што ў беларусаў і беларусак Варшавы заўсёды ёсць магчымасць аб’ядноўвацца. І за гэта дзякуй тым, хто нягледзячы на няпростыя абставіны робіць нашую беларускую справу бачнай. Вельмі важна, каб мы не разыходзіліся па сваіх кутках, а дапамагалі адно аднаму».
