Беларуская лідарка сустрэлася з новым міністрам замежных справаў Літвы, які 2 тыдні таму заняў гэтую пасаду.
Падчас сустрэчы бакі абмеркавалі:
- беларуска-літоўскія мерапрыемствы, якія будуць умацоўваць сяброўства паміж беларусамі і літоўцамі;
- супрацоўніцтва паміж дэмакратычнымі сіламі Беларусі і Літоўскім урадам;
- арганізацыю сустрэчаў з прэм’ер-міністрам, прадстаўнікамі Міністэрства ўнутраных справаў і Міністэрства юстыцыі;
- узмацненне ціску на рэжым;
- падтрымку беларускіх медыя;
- пазоў Літвы ў Міжнародны крымінальны суд;
- узмацненне рэпрэсіяў і ціску на беларусаў напярэдадні «бязвыбараў-2025»;
- бягучую сітуацыю з беларускімі палітвязнямі.
Святлана Ціханоўская: «Шчыра дзякую Літве за нязменную падтрымку беларускіх дэмакратычных сілаў, грамадзянскай супольнасці, незалежных медыя, бізнесу і ўсіх, хто быў вымушаны пераехаць у Літву. Хутка рэжым правядзе так званыя «бязвыбары-2025», і я асабліва ўдзячная за прынцыповую і ясную пазіцыю літоўскага ўрада адносна гэтага фарсу. Літва была і застаецца надзейным партнёрам, які падтрымлівае нас на шляху да свабоднай і дэмакратычнай Беларусі».
