Далучайцеся да Руху прама цяпер. Вось як гэта зрабіць.
Коратка – галоўнае за дзень працы Руху:
#падтрымкаўкраінцаўібеларусаў
- Абласны клінічны шпіталь ветэранаў вайны Кіраваграда атрымаў ад арганізацыі Дапамога пры ўдзеле валанцёраў ініцыятывы ДАР танометры, якія будуць выкарыстоўвацца для лячэння вайскоўцаў.
- FreeShop Fundacja «ŻYVI» адправілі ва Украіну аўтамабіль з медыкаментамі і ежай.
- Фонд BYSOL адправіў ва Украіну два пікапы: Ford Ranger і Nissan Navara. Сродкі на гэтыя аўтамабілі сабралі беларусы.
- Беларусы правялі «Чарнобыльскі шлях» у Вільні. У акцыі прынялі ўдзел некалькі соцень чалавек. На «Чарнобыльскі шлях» таксама выйшлі ў Нідэрландах, Грузіі, Бельгіі, Германіі і іншых краінах.
- Беларуская актывістка Наста Базар у інтэрв'ю «Радыё Свабода» распавяла пра дапамогу жанчынам падчас вайны.
- Беларусы Бельгіі, Нідэрландаў і Францыі перадалі мікрааўтобус беларускім добраахвотнікам з батальёна Каліноўскага. У мікрааўтобусе таксама быў гуманітарны груз для беларусаў.
- Прадстаўнік Народнага пасольства Беларусі ў Францыі правёў сустрэчу з МЗС Францыі. Абмяркоўвалі, як вырашыць праблемы з дыскрымінацыяй беларусаў у французскіх банках і заменай пашпартоў у амбасадзе рэжыму.
#сабатажпрацырэжыму
- Канал «Беларускі Гаюн», які адсочвае перамяшчэнне расійскіх войскаў па Беларусі, даў справаздачу за 26 красавіка: частка 1, частка 2.
- Таксама канал «Беларускі Гаюн» апублікаваў агляд асноўных падзеяў беларускай прапаганды пра вайну ва Украіне за 26 красавіка: прапаганда абвінавачвае Захад і ЗША ў нежаданні спынення баявых дзеянняў, а Украіна нібыта «8 год бамбіць Данбас».
#інфармацыйныфронт
- Кіраўніца дэпартамента прававой дапамогі Цэнтра беларускай салідарнасці Вольга Дабравольская распавяла, калі ў беларусаў з'явіцца магчымасць атрымліваць гуманітарныя візы і гуманітарныя віды на жыхарства на тэрыторыі Польшчы.
- «Честные люди» расказваюць пра розніцу паміж патрыятызмам і «патрыятызмам» у тым выглядзе, якім яго бачыць рэжым. Таксама ініцыятыва заклікае распаўсюджваць улёткі пра ролю Беларусі ў вайне ва Украіне. Спампаваць улётку можна тут.
- ByProsvet сабраў увесь самвыдат, які выйшаў на гэтым тыдні: «Честную газету», «Беларусский Вестник», «Протестный Гомель» і «Протестная Беларусь». Спампоўвайце і распаўсюджвайце самвыдат, так вы дапамагаеце беларусам выбрацца з палону тэлевізара.
#BelarusWithUkraine
