Святлана Ціханоўская ў інтэрв'ю Літоўскаму нацыянальнаму каналу расказала пра сваё дзяцінства і юнацтва, вымушаны пераезд у Літву і працу на будучыню Беларусі, у якой важны кожны чалавек. Таксама Святлана расказала, чаму яе муж, Сяргей Ціханоўскі, вырашыў пайсці ў палітыку. Вось некалькі цытат:
«У 2017 годзе Сяргей купіў дом, які ўяўляе гістарычную каштоўнасць. Хацеў яго перарабіць, але сутыкнуўся з бюракратыяй і два гады не мог гэты дом аформіць. Тады пачаў размаўляць з людзьмі – гэта была не палітыка, а простыя чалавечыя зносіны. Але калі ты ў гэта паглыбляешся, ты бачыш, што такіх шмат. Гэта заняло не адзін дзень. Людзі стаміліся. У іх з'явіўся чалавек, які адкрыта і смела казаў пра рэальную сітуацыю ў краіне. Іх гэта натхніла выходзіць і прамаўляць.
***
«Я не хачу, каб для дзяцей гэты час застаўся ў памяці чымсьці негатыўным. Самы негатыўны момант – адсутнасць таты. Але пераезд яны ўспрынялі дастаткова спакойна, хоць і сумуюць па Мінску. Стараемся арганізаваць так, каб ім было камфортна ў гэтым новым перыядзе жыцця».
***
«Я з вялікім задавальненнем маю зносіны з беларусамі ў Zoom. Мне трэба зносіны з людзьмі. Яшчэ калі мы ездзілі на пікеты па гарадах перад выбарамі – памятаю, ты выступаеш і табе хочацца паглядзець як мага большай колькасці людзей у вочы. Мне вельмі важна, каб кожны чалавек разумеў: ён важны. Я на гэтай сцэне толькі дзякуючы кожнаму з вас».
