«Беларусы шмат разоў бачылі, як палітыкаў затрымліваюць, выкрадаюць і вывозяць з краіны, абы прымусіць маўчаць. Сяргей Ціханоўскі, Марыя Калеснікава, Віктар Бабарыка, Павел Севярынец, Мікалай Статкевіч – усе гэтыя людзі знаходзяцца ў турме, таму што старая палітычная сістэма не ўмее канкураваць годна. Па гэтай жа прычыне сёння быў затрыманы Аляксей Навальны. Але гэта небяспечны крок.
Кожны чалавек мае права на выбар і на дом. І затрыманне Навальнага паказвае, што нашым краінам яшчэ трэба прайсці сур'ёзны шлях, каб мы маглі адчуваць сябе на Радзіме – дома. Гэта і ёсць нашая мэта: каб усе, каму давялося з'ехаць, маглі вярнуцца; а ўсе, хто застаўся ў Беларусі, перасталі адчуваць, што жывуць у турме».
