Сустрэча з міністаркай Ладжай Хабіб адбылася ў асноўным памяшканні Саміту НАТА адразу пасля сустрэчы жанчын-лідарак, у якой бралі ўдзел 16 міністарак замежных справаў і абароны, прэзідэнтка ПА НАТА, спікерка літоўскага Парламента.
Падчас сустрэчы з міністаркай Бельгіі абмяркоўвалі:
- Старшынства Бельгіі ў Еўрасаюзе, якое пачынаецца праз паўгода. Міністарка запэўніла, што Беларусь будзе на парадку дня. Гаварылі пра правядзенне супольных мерапрыемстваў.
- Падтрымка працы Місіі дэмакратычнай Беларусі ў Бруселі. Беларуская лідарка падзякавала міністарцы за ўдзел у мерапрыемствах Місіі.
- Новы пакет санкцыяў, які зараз абмяркоўваюць у Еўрасаюзе ў дачыненні да памагатых Лукашэнкі чыноўнікаў і сілавікоў.
- Недапушчэнне змякчэння санкцыяў на транзіт калійных угнаенняў праз краіны Еўрасаюза, а таксама закрыццё шчылінаў у цяперашніх санкцыях.
