У Хельсінкі Святлана Ціханоўская правяла сустрэчу з новым прэзідэнтам Парламенцкай асамблеі АБСЕ, Перэ Жуанам Понсам Самп’етра, а таксама з папярэдняй прэзідэнткай Піа Каўма.
Прэзідэнт Понс Самп’етра запрасіў Ціханоўскую прыняць удзел у сесіі Парламенцкай асамблеі АБСЕ і падкрэсліў, што для Асамблеі надзвычайна важна, каб тэма Беларусі заставалася на міжнародным парадку дня.
Ціханоўская адзначыла, што беларускія дэмакратычныя сілы зацікаўленыя ў паглыбленні ўзаемадзеяння з Парламенцкай асамблеяй АБСЕ і парламентамі краінаў-удзельніц. Яна падзялілася станоўчым досведам удзелу прадстаўнікоў Каардынацыйнай Рады і беларускіх дэмакратычных сілаў у працы Парламенцкай асамблеі Рады Еўропы і выказала гатоўнасць развіваць супрацоўніцтва і з ПА АБСЕ.
