Беларуская лідарка разам з Сяргеем Ціханоўскім далучылася да ўрачыстага прыёму з нагоды дня дзяржаўнасці Літвы. Падчас мерапрыемства адбыліся сустрэчы з прэзідэнтам Літвы Гітанасам Наўседам і прэзідэнтам Германіі Франкам-Вальтэрам Штайнмаерам.
Што абмеркавалі?
- Важнасць працягу сумеснай працы па вызваленні палітвязняў.
- Падтрымку беларускай грамадзянскай супольнасці, актывістаў і незалежных СМІ.
- Падтрымку дэмакратычных сілаў з боку Літвы і Германіі.
Святлана Ціханоўская:
«За апошнія пяць гадоў Літва і Германія неаднаразова дэманстравалі, што з’яўляюцца сапраўднымі сябрамі беларускага народа. Сёння яны працягваюць падтрымліваць дэмакратычныя перамены, дапамагаць палітвязням і працаваць разам з намі над бяспекай беларусаў у выгнанні. Мы глыбока ўдзячныя Літве і Германіі за падтрымку. Гэтая салідарнасць — не толькі пра палітыку. Гэта пра чалавечнасць, пра каштоўнасці і пра веру ў свабодную Беларусь».
