Святлана Ціханоўская ўзяла ўдзел у адкрыцці фотавыставы Вадзіма Заміроўскага «Твар свабоды: Дэмакратычная Беларусь і Украіна ў барацьбе» ў Мадрыдзе. Да мерапрыемства далучыліся эксперты, прадстаўнікі ўрада Іспаніі і амбасадары шэрагу краінаў.
«Дзякуй, Imaguru, за тое, што паказалі гэтыя выдатныя творы мастацтва! Яны сапраўды перадаюць дух часу. Расказваюць пра драму ўкраінцаў, якія змагаюцца за свабоду — на Майдане і на фронце. А таксама пра драму беларусаў, якія ў 2020 годзе выйшлі на мірныя пратэсты, каб абараніць свой голас і будучыню — і дагэтуль працягваюць змаганне за свабоду і годнасць».
