«Я стала злейшая»
– За год я стала не больш жорсткая, а больш злая. Гэта злосць на бязмежжа, якое адбываецца ў краіне. Злосць на тое, як людзей забіраюць, садзяць у турмы, збіваюць. Злосць назапашваецца і ператвараецца ў энергію. Але больш жорсткай як чалавек я не стала.
Што яшчэ дае энергію?
– Чэрпаю энергію, размаўляючы з беларусамі, якія, нягледзячы на ўвесь ціск і рэпрэсіі, працуюць у Беларусі. Людзі знаходзяць у сабе сілу і смеласць на гэта. Я проста не разумею, як можна апусціць рукі, калі людзі ў Беларусі змагаюцца. Размаўляючы з беларускай дыяспарай за мяжой, я чэрпаю энергію ад беларусаў, якія не спыняюцца, працягваюць барацьбу і падтрымліваюць адно аднаго.
Што рабіць беларусам?
– Працягваць. Працягваць рабіць тое, што вы ўжо робіце. Ёсць ініцыятывы, якія даступныя для кожнага. Гэта і «Рабочы рух», і план «Перамога», і ініцыятывы, якія дапамагаюць палітвязням і іх сем'ям. Ёсць вельмі вялікая сетка валанцёраў – далучайцеся, валанцёрце. Ёсць актывісты, кожнаму з якіх я ўдзячная. Яны працягваюць выходзіць на невялікія маршы, расклейваць налепкі, маляваць муралы, пісаць лісты палітвязням. Можа здацца, што гэта нішто. Але калі вас тысячы – гэта ўжо перамены.
Усе тэмы інтэрв'ю:
00:20 Пра сустрэчу з Байдэнам
03:00 Адчуванне падтрымкі ад Еўропы
04:47 Ці адчувае Святлана Ціханоўская сябе палітыкам?
05:27 «Я стала злейшая»
06:00 Што дае энергію?
07:20 У беларусаў няма лідара?
08:34 Што рабіць далей?
10:41 На якім мы зараз этапе?
12:12 Зварот да беларусаў
