Напярэданні Дня студэнта каманда Офіса хоча распавесці пра дэталі стыпендыяльнай праграмы пад патранажам Святланы Ціханоўскай. У кастрычніку яе запусціў адзін з прэстыжных універсітэтаў Цэнтральнай Еўропы – MCI – «Цэнтр менеджменту ў Інсбруку». У межах праграмы беларускія студэнты могуць атрымаць ступень бакалаўра ці магістра па больш чым 10 спецыяльнасцях.
За мінулы месяц да праекта праявіла цікавасць вялікая колькасць таленавітай і актыўнай моладзі. Каманда Офіса сабрала найбольш актуальныя запыты – і падрыхтавала карткі з адказамі на іх.
Падрабязней пра працэс падачы заяўкі і атрыманне стыпендыі можна знайсці на сайце ўніверсітэта ў раздзеле «замежныя студэнты», націснуўшы на падраздзел «Стыпендыя імя Святланы Ціханоўскай».
