Прававая ініцыятыва падрыхтавала бібліятэку матэрыялаў для міграцыйных кейсаў.
ЗБС падрыхтаваў штогадовую справаздачу пра стан беларускай акадэміі ў 2024 годзе.
Беларуская Рада Культуры падрыхтавала базу міжнародных і беларускіх грамадскіх арганізацый і ініцыятываў, якія дапамагаюць дзеячам культуры.
Ініцыятыва Гэта Моладзь апублікавала дапаможнік па пошуку фінансавання і грантаў.
Human Constanta і ІншыЯ абвесцілі сакавік месяцам за недыскрымінацыю, роўнасць і інклюзію, ды супольна з іншымі арганізацыямі зладзілі серыю актыўнасцей.
Беларускія арганізацыі зладзілі шэраг івэнтаў з нагоды Міжнароднага дня салідарнасці жанчын у барацьбе за свае правы.
У Празе адкрылі арт-інсталяцыю “Нязломныя”, прысвечаную палітзняволеным праваабаронцам.
У Варшаве прайшла першая стратэгічная сесія Беларускай музейнай лабараторыі – новай ініцыятывы Музея Вольнай Беларусі.
Офіс Святланы Ціханоўскай апублікаваў спіс беларускіх арганізацый грамадзянскай супольнасці, якія беларусы замежжа могуць падтрымаць праз падаткі.
У Вільні адбылася акцыя з нагоды другой гадавіны ўтрымання Сяргея Ціханоўскага ў рэжыме інкамунікада.
Беларусы свету зладзілі акцыі і івэнты з нагоды Дня Волі.
ФБЦ апублікаваў даследаванне “Дыскрымінацыя беларусаў і беларусак у Польшчы: выклікі, праявы і шляхі вырашэння”.
ПЭН Беларусі апублікаваў вынікі маніторынгу парушэнняў культурных правоў і правоў чалавека ў дачыненні да дзеячаў культуры ў Беларусі за 2024 год.
Вясна выпусціла даклад пра гендарную дыскрымінацыю ў месцах несвабоды.
Згодна справаздачы платформы Рады Еўропы па садзейнічанні абароне журналістыкі і бяспецы журналістаў, у Беларусі найбольш журналістаў за кратамі на тэрыторыі Еўропы.
Праваабаронцы за свабодныя выбары апублікавалі фінальную аналітычную справаздача паводле вынікаў назірання за безвыбарамі.
ЦНІ прэзентаваў вынікі даследавання “Індэкс Рэзіліентнасці Беларусі 2024”.
