З 11 па 14 сакавіка Еўрапейскі Парламент ладзіць акцыю салідарнасці з беларускімі палітвязнямі. 13 сакавіка на акцыі знаходзіўся дарадца Святланы Ціханоўскай па парламенцкім супрацоўніцтве і Канстытуцыйнай рэформе Анатоль Лябедзька. Як распавёў палітык, у межах ініцыятывы #EPSTANDSBYYOU дэпутаты Еўрапарламента, разам з прэзідэнткай Рабертай Метсолай, падпісалі больш за 600 паштовак для беларускіх палітвязняў. Акрамя таго, еўрадэпутаты прыцягваюць увагу да складанай сітуацыі з палітвязнямі ў Беларусі і дзеляцца інфармацыяй пра яе ў сацыяльных медыя з хэштэгам #EPSTANDSBYYOU.
Гэта ўжо другая акцыя ініцыятывы. Першая адбылася ў снежні 2022 года.
Святлана Ціханоўская: «Новы запуск гэтай ініцыятывы – вынік маёй нядаўняй сустрэчы з прэзідэнткай Еўрапарламента Рабертай Метсолай. Я ўдзячная Раберце і чальцам Еўрапарламента за падтрымку гэтай ідэі. Я ўпэўненая – #EPSTANDSBYYOU падштурхне палітыкаў па ўсёй Еўропе далучыцца да барацьбы за свабоду беларускіх палітвязняў!»
Падрабязней пра сённяшнюю акцыю #EPSTANDSBYYOU – у відэа.
