Прадстаўнік дэмакратычных сілаў у Эстонскай і Латвійскай Рэспубліках Віталь Малчанаў распавёў пра мерапрыемства:
– У гэтым візіце прымаюць удзел прадстаўнікі 12-ці рэпрэсаваных медыя.
– Праграма прысвечаная пытанням устойлівасці незалежных медыя, кібербяспекі, супрацьдзеяння дэзынфармацыі і ўзаемадзеяння з еўрапейскімі інстытуцыямі.
– У межах мерапрыемства адбываюцца трэнінгі па лічбавай бяспецы і працы медыя ва ўмовах гібрыдных пагрозаў на базе досведу Украіны.
Віталь Малчанаў:
«У рамках гэтага візіту прадстаўнікі медыя сустракаюцца з эстонскімі дзяржаўнымі ўстановамі, парламентам, экспертнай супольнасцю і сваімі калегамі з вядучых медыя Эстоніі.
Такія візіты становяцца пляцоўкай для абмену досведам, умацавання прафесійных кантактаў і абмеркавання механізмаў падтрымкі незалежнай журналістыкі ва ўмовах рэпрэсіяў у Беларусі».
Візіт арганізаваны пры падтрымцы фонду ESTDEV, Міністэрства замежных справаў Эстоніі і Journalists for Human Rights.
