Падчас працоўнай паездкі ў Вашынгтон беларуская лідарка сустрэлася з Філам Горданам – дарадцам віцэ-прэзідэнткі ЗША Камалы Харыс па нацыянальнай бяспецы. Менавіта Харыс ачоліць амерыканскую дэлегацыю на Саміце па міру ў Швейцарыі.
Галоўнай тэмай сустрэчы стала рэпрэзентацыя Беларусі на Саміце па міру і дзеянні ад ЗША і партнёраў у сувязі з Самітам. У прыватнасці, гаворка ішла пра:
📌 вывад расійскіх войскаў з тэрыторыі Беларусі;
📌 санкцыянаванне Расіі за ўмяшальніцтва ва ўнутраныя справы нашай краіны;
📌 транснацыянальныя рэпрэсіі, якія датычацца беларусаў, што бяруць актыўны ўдзел у акцыях салідарнасці за мяжой;
📌 узаемасувязь Украіны і Беларусі – наколькі важна пры падтрымцы Украіны не забывацца і пра Беларусь;
📌сітуацыю з Андрэем Гнётам у Сербіі.
Таксама адной з важных тэмаў падчас сустрэчы стаў Саміт НАТА, які адбудзецца ў ліпені, і магчымая сустрэча з Камалай Харыс падчас гэтага івэнту.
