Кансультатыўная рада па справах моладзі Рады Еўропы – унікальная платформа для супрацоўніцтва ўрадавых і моладзевых арганізацыяў кантынента. Па сутнасці, ад рашэнняў, прынятых падчас гэтых абмеркаванняў, залежыць фармаванне моладзевай палітыкі ва ўсім Старым Свеце.
Хаця Беларусь не з’яўляецца чальцом Рады Еўропы, у нашай моладзі з’явілася магчымасць заявіць аб сабе на міжнароднай арэне і паўплываць на ключавыя працэсы ў розных сферах. На Еўрапейскім моладзевым форуме ў Страсбургу Маргарыту Ворыхаву абралі прадстаўніцай Беларусі ў Кансультатыўнай радзе.
«Мая задача – абараняць інтарэсы маладых людзей з Еўропы і, вядома, з Беларусі. Галоўная мэта – заручыцца поўнай падтрымкай з боку дзяржаў-чальцоў Рады Еўропы ў імкненні Беларусі да дэмакратыі. Для нас гэта будзе значыць узмацненне падтрымкі беларусаў і беларусак на міжнароднай арэне», – тлумачыць дарадца Святланы Ціханоўскай па моладзі і студэнцтве.
Падкрэслім: гэта першы выпадак, калі нехта з Беларусі атрымаў прадстаўніцтва ў Кансультатыўнай радзе па справах моладзі Рады Еўропы. Уключэнне прадстаўніка Беларусі гарантуе, што нашыя праблемы будуць вылучаныя на першы план.
- Што такое Кансультатыўная рада?
Кансультатыўная рада па справах моладзі Рады Еўропы займаецца развіццём моладзевай палітыкі. Ён складаецца з 30 прадстаўнікоў моладзевых арганізацыяў і НДА. Рада дзейнічае на аснове сумеснага падыходу, пры якім прадстаўнікі ўрада і моладзі з розных арганізацый працуюць разам. Дадзеная структура гарантуе, што маладыя людзі будуць прызнаныя роўнымі партнёрамі ў распрацоўцы палітыкі, увасабляючы прынцып «нічога для нас без нас».
Асноўная мэта Рады – вырашаць канкрэтныя пытанні, звязаныя з моладдзю, і распрацоўваць рэкамендацыі для дзяржаў-чальцоў Рады Еўропы, а таксама кансультаваць Камітэт міністраў. Па сутнасці, ён служыць платформай, дзе звяраюцца розныя пункты гледжання і пасля фармулююцца рэкамендацыі, якія наўпрост уплываюць на дабрабыт і інтарэсы моладзі.
- Чым Рада можа быць карыснай беларускай моладзі?
Нягледзячы на тое, што Беларусь не з’яўляецца дзяржавай-сяброўкай Рады Еўропы, мы можам актыўна ўдзельнічаць у прыняцці рашэнняў па палітыцы, якая непасрэдна нас закранае.
Яскравым прыкладам уплыву Рады з’яўляецца яго поўная падтрымка Кантактнай групы па Беларусі ў межах Рады Еўропы. Беларуская моладзь можа зрабіць унёсак у фармаванне агульнаеўрапейскай палітыкі, спрыяючы пашырэнню сваіх магчымасцяў і прадстаўніцтва на міжнароднай платформе.
- Якую ролю ў ім адыгрывае дарадца Святланы Ціханоўскай па маладзёжнай палітыцы і студэнцтве?
Маргарыта Ворыхава – прадстаўніца, абраная Еўрапейскім моладзевым форумам у Кансультатыўную раду па справах моладзі. Яе роля – абарона інтарэсаў маладых людзей па ўсёй Еўропе і, у прыватнасці, з Беларусі.
Галоўная мэта прадстаўніцтва Ворыхавай – заручыцца поўнай падтрымкай з боку дзяржаў-чальцоў Рады Еўропы ў імкненні Беларусі да дэмакратыі. Гэта прадугледжвае мабілізацыю падтрымкі беларусаў і беларусак на міжнароднай арэне. Таксама гэта падкрэслівае важнасць дэмакратыі, правоў чалавека і галасоў беларускай моладзі ў міжнародным дыскурсе.
- Што азначае прадстаўніцтва ў гэтай структуры?
Гэта першы выпадак, калі нехта з Беларусі (ці любой іншай дзяржавы, якая не з’яўляецца сябрам Рады Еўропы) атрымаў магчымасць быць прадстаўленымі ў гэтай структуры. Уключэнне прадстаўніка Беларусі не толькі азначае крок да больш шырокай інклюзіўнасці, але таксама гарантуе, што нашыя праблемы будуць вылучаныя на першы план.
- Якія перспектывы ад членства Беларусі ў Радзе?
Адна з прывілеяў сяброўства ў Кансультатыўнай радзе па справах моладзі – удзел у размеркаванні сродкаў моладзеваму сектару праз Еўрапейскі моладзевы фонд. Гэтае ўздзеянне можа быць накіраванае на падтрымку ініцыятываў, праграмаў і праектаў, якія прыносяць карысць нашай моладзі.
Акрамя таго, Кансультатыўная рада разглядае розныя пытанні, у тым ліку займае пазіцыю па актуальных праблемах. Гэта значыць, з’яўляецца магчымасць паўплываць на тое, каб Рада Еўропы заняла цвёрдую пазіцыю ў дачыненні да падзеяў і праблемаў, з якімі сутыкаецца беларуская грамадзянская супольнасць.
- Ці могуць беларусы неяк паўдзельнічаць у гэтай працы?
Калі вы лічыце, што Рада Еўропы павінна заняць пэўную пазіцыю па канкрэтным пытанні, прыняць рэкамендацыі або сфармуляваць канкрэтную палітыку, калі ласка, звяжыцеся з намі праз @AskOffice_Bot.
Незалежна ад таго, ці знаходзіцеся вы ў Беларусі ці за мяжой, калі вы бачыце магчымасці для пазітыўных зменаў ці спосабы зрабіць унёсак у дабрабыт маладых людзей, не саромейцеся дзяліцца ідэямі – мы адкрытыя для ўвасаблення кожнай з іх у жыццё.
