10 і 13 кастрычніка ў Варшаве прайшлі дзве важныя сустрэчы, прысвечаныя пытанням легалізацыі і прававога статусу грамадзян Беларусі ў Польшчы.
10 кастрычніка пад кіраўніцтвам кіраўніка Ўпраўлення па справах замежнікаў Томаша Цітрыновіча адбылася сустрэча, у якой узяў удзел юрыдычны дарадца Святланы Ціханоўскай Леанід Марозаў.
Польскі бок пацвердзіў, што заявы на міжнародную абарону ад грамадзян Беларусі працягваюць прымацца і разглядацца, нягледзячы на часовае прыпыненне тэрмінаў, вызначаных законам.
Таксама абмяркоўваліся магчымасць кароткатэрміновага выезду з Польшчы для асоб, якія чакаюць рашэння па міжнароднай абароне, і прымяненне Дублінскага рэгламенту ў выпадках дэпартацыі палітвязняў у Літву.
Польскі бок выказаў гатоўнасць прапрацаваць рашэнні, у тым ліку выдачу польскіх праяздных дакументаў тым, у каго скончыўся або страчаны беларускі пашпарт.
13 кастрычніка адбылося першае пасяджэнне міжведамаснай рабочай групы пры МЗС Польшчы пад старшынствам упаўнаважанага прадстаўніка міністра замежных спраў па супрацоўніцтве з беларускімі дэмакратычнымі сіламі Адама Халаціньскага.
З беларускага боку ўдзел узялі юрыдычны дарадца Святланы Ціханоўскай Леанід Марозаў, а таксама прадстаўнікі Аб’яднанага Пераходнага Кабінета і Офіса Святланы Ціханоўскай — Павел Латушка, Вольга Зазулінская і Маргарыта Ворыхава.
На сустрэчы абмяркоўваліся ключавыя пытанні, звязаныя з дакументамі і прававым становішчам беларусаў:
— атрыманне і прызнанне дакументаў, якія немагчыма атрымаць у Беларусі;
— узаемадзеянне з польскімі ведамствамі па пытаннях вадзіцельскіх пасведчанняў і даведак аб несудзімасці;
— выпадкі пераследу беларусаў праз Інтэрпол;
— праблемы, з якімі сутыкаюцца беларусы ў Грузіі.
Беларускі бок падкрэсліў неабходнасць пастаяннага дыялогу для пошуку ўстойлівых прававых і гуманітарных рашэнняў. Польскі бок пацвердзіў гатоўнасць да супрацоўніцтва і дамовіўся працягнуць сумесную працу ў межах рабочай групы.
«Для нас вельмі важна, што Польшча не толькі захоўвае адкрытасць у прыёме заяў на міжнародную абарону, але і гатовая шукаць рашэнні па практычных пытаннях легалізацыі. Мы бачым сапраўднае разуменне праблем беларусаў і крокі да іх сістэмнага вырашэння», — адзначыў дарадца Святланы Ціханоўскай па юрыдычных пытаннях Леанід Марозаў.
Леанід Марозаў адзначыў:
«Для нас вельмі важна, што Польшча не толькі захоўвае адкрытасць у прыёме заяў на міжнародную абарону, але і гатовая шукаць рашэнні па практычных пытаннях легалізацыі. Мы бачым сапраўднае разуменне праблем беларусаў і крокі да іх сістэмнага вырашэння».
