Рэжым грунтоўна падыходзіць да падрыхтоўкі да безвыбараў: расстаўляе трывожныя кнопкі на ўчастках для галасавання, усталёўвае сістэмы відэаназірання і рыхтуе «групы хуткага рэагавання». Беларусам прапануюць зрабіць выгляд, што яны згодныя з тым, што ўсё вырашана без іхняга ўдзелу. Няма ні канкурэнцыі, ні незалежных кандыдатаў – толькі праўладныя і лаяльныя дэпутаты…
Кампанія, якую арганізуе Лукашэнка, не мае нічога агульнага з дэмакратычнымі выбарамі. Таму старэйшы палітычны дарадца Святланы Ціханоўскай Аляксандр Дабравольскі настойвае – беларусам не варта ўдзельнічаць у палітычным фарсе: «Замест сумленных выбараў ёсць зацверджаныя адміністрацыяй спісы назначэнцаў, якія будуць думаць толькі пра тых, хто іх прызначыў. А ваш удзел толькі дапаможа зрабіць выгляд, што іх абралі. Мы сутыкаемся з безвыбарамі, калі вынік вядомы загадзя. Будзе сітуацыя, калі нашыя дзеянні прывядуць да пераменаў. А пакуль тое, што мы сапраўды можам зрабіць – не ўдзельнічаць у гэтым падмане».
Больш падрабязна – у відэа.
