Святлана Ціханоўская і прадстаўнікі дэмакратычных сілаў сустрэліся з прэзідэнтам Польшчы Анджэем Дудам

Святлана Ціханоўская разам з кіраўніком НАУ Паўлам Латушкам, прадстаўніцай Каардынацыйнай Рады Вольгай Кавальковай, дарадцам Франакам Вячоркам і прадстаўніком Офіса Дзянісам Кучынскім сустрэліся з прэзідэнтам Польшчы Анджэем Дудам у Бельведэрскім палацы ў Варшаве.

Ціханоўская выказала абурэнне актам вандалізма і знішчэннем рэжымам магілаў воінаў Арміі Краёвай, а таксама пераследам польскай меншасці ў Беларусі. Яна назвала дзеянні рэжыму помстай Польшчы за падтрымку беларускага народа.

Ціханоўская расказала прэзідэнту Польшчы пра план «Перамога», у які запісаліся ўжо 200 тысяч чалавек, з іх 30 тысяч пасля вайны. Гэты план запусціцца імгненна і павінен прывесці Беларусь да зменаў.

На сустрэчы абмеркавалі пытанні рэгіянальнай бяспекі і магчымасць чатырохбаковых перамоваў паміж Украінай, Польшчай, Літвой і прадстаўнікамі дэмакратычнай Беларусі. Ціханоўская паведаміла пра адкрыццё ў Кіеве прадстаўніцтва, якое ўжо пачало працу і прадстаўляе інтарэсы Беларусі, а не рэжыма.

Падчас сустрэчаў дамовіліся пра каардынацыю на міжнароднай арэне, падтрымку беларусаў, што ўцяклі ў Польшчу праз рэпрэсіі і вайну, а таксама пра працяг палітычнай ізаляцыі рэжыма Лукашэнкі.

Асобнай тэмай абмеркавання было пытанне палітзняволеных. Лідары абмеркавалі, як дамагчыся іх вызвалення і рэабілітацыі: пра адмену санкцый гаворкі ісці не можа, пакуль не будуць закрытыя ўсе крымінальныя справы.


Фота: Павел Крычко

Фота: Павел Крычко

Фота: Павел Крычко
5 ліпеня 2022 в 18:16