Прадстаўнікі Ціханоўскай Валер Кавалеўскі і Анатоль Лябедзька, прадстаўнік ByPol Аляксандр Азараў і прадстаўнік НАК Валер Мацкевіч перасеклі мяжу і ўжо знаходзяцца на тэрыторыі Украіны. Яны плануюць сустрэцца з беларусамі Кіева, наведаць беларускія добраахвотніцкія атрады ва Украіне, правесці сустрэчы з украінскімі палітыкамі.
У сувязі з рэзкім скарачэннем дыпламатычнага персаналу Украіны ў Беларусі, Кавалеўскі з польска-ўкраінскай мяжы звярнуўся да беларускіх дыпламатаў і заклікаў іх зрабіць вырашальны выбар, паколькі злачынны рэжым падштурхоўвае да разрыву дыпламатычных адносінаў з Украінай і пагражае існаванню нашай дзяржавы, а амбасады з часам так ці інакш пяройдуць пад кантроль дэмакратычных сілаў.
