6 лютага ў Варшаве Святлана Ціханоўская сустрэлася з галоўнымі рэдактарамі незалежных беларускіх медыя, каб абмеркаваць умовы, у якіх сёння вымушаная працаваць незалежная журналістыка.
Галоўныя тэмы размовы:
– як, нягледзячы на блакіроўкі, «экстрэмісцкія» спісы і пагрозы, беларускія медыя працягваюць інфармаваць беларусаў і ахопліваюць мільёны людзей унутры Беларусі;
– з якімі выклікамі сутыкаюцца медыя ў выгнанні, у тым ліку ў Варшаве;
– як узмацніць падтрымку незалежных журналістаў.
Асобная ўвага была нададзеная пытанню міжнароднай падтрымкі незалежных медыя.
Святлана Ціханоўская:
«Рэжым спрабуе захапіць усю медыйную прастору і прымусіць беларусаў жыць у хлусні, пазбавіць іх доступу да праўдзівай інфармацыі. Але незалежныя беларускія медыя выстаялі. Яны аднавілі працу пасля рэпрэсіяў і закрыццяў, працягваюць гаварыць з беларусамі і для беларусаў — нават у самых складаных умовах, пад ціскам, пагрозамі і блакіроўкамі.
Нашая задача — зрабіць усё, каб журналісты былі абароненыя, каб зняволеныя калегі выйшлі на волю, а праўда пра Беларусь не знікла з інфармацыйнай прасторы».
