У вялікім інтэрв’ю праекту ТОК беларуская лідарка распавяла пра сустрэчы і размовы з амерыканскім прэзідэнтам:
«У мяне было 2 сустрэчы з прэзідэнтам Байдэнам і адна тэлефонная размова. На сустрэчах, перш за ўсё, ён запытваў пра людзей, якія зараз у турмах. Пра тое, як мы змагаемся і што нам патрэбна. Вельмі важна было пачуць словы, што ЗША будуць прынцыпова прытрымлівацца пазіцыі дапамогі дэмакратычнаму руху Беларусі.
Цікава было наконт тэлефоннага званка: памятаю, што ён патэлефанаваў мне ўжо са свайго самалёту. Гэта вельмі незвычайна, што прэзідэнт тэлефануе з самалёту».
Таксама падчас размовы прагучала пытанне аб сустрэчах з прэзідэнтам Украіны Уладзімірам Зяленскім:
«Мы сустракаліся ў нефармальным асяроддзі, перакінуліся жартамі, паглядзелі адзін аднаму ў вочы. Не ведаю, якія яму малюнкі пра мяне малююць. Могуць быць і праціўнікі Ціханоўскай ва Украіне, але добры знак што нашыя стасункі з украінскім бокам наладжваюцца».
