«Што я магу зрабіць для нашай перамогі?»

Год таму беларусы аб'ядналіся: рабочыя выйшлі ў стачку, медыкі выйшлі на марш разам са студэнтамі, актывісты і адвакаты сталі валанцёрамі на Акрэсціна, айцішнікі разам з сумленнымі чыноўнікамі і сілавікамі адстойвалі свае галасы. Мінуў год, беларусы прайшлі вялікі шлях – і каб дайсці да нашай агульнай перамогі, нам трэба аб'яднаць высілкі.

На шырокай сустрэчы дэмакратычных сіл лідары і актывісты склалі агульны спіс праектаў і ініцыятыў, да якіх можа далучыцца кожны чалавек:

Далучайцеся да руху, які рыхтуе агульнанацыянальную стачку.

Далучайцеся праз чат-бот да плана, які распрацоўвае для кожнага зарэгістраванага беларуса канкрэтны набор дзеянняў.

Распаўсюджвайце ўлёткі, самвыдат і праўдзівую інфармацыю сярод жыхароў свайго пад'езда, дома, вуліцы і горада.

Удзельнічайце ў праекце тэлемедыцыны і падтрымлівайце сумленных лекараў з карысцю для сябе.

Далучайцеся да шэрагаў валанцёраў Офіса Святланы Ціханоўскай.

Далучайцеся да акцыі НАК «банкамат-абменнік-банк», напішыце 11 сенатарам ЗША, каб заблакаваць доступ да мільярда ад МВФ.

Дапамагайце людзям і ініцыятывам, падтрымлівайце палітвязняў і іх сем'і.

Набывайце прадукты для сем'яў пацярпелых ці канцылярскія тавары для дзяцей палітвязняў, якія ідуць у школу.

Далучайцеся да абмеркавання праекта народнай Канстытуцыі.

Прыходзьце на суды над беларусамі, фіксуйце злачынствы, якія адбываюцца, і перадавайце ўсё ў «Вясну».

На гэтым сайце сабраныя ініцыятывы, якія аказваюць юрыдычную, праваабарончую і іншую дапамогу беларусам. Вы можаце стаць валанцёрам, запоўніўшы анкету на сайце.

Падтрымлівайце беларускую культуру данатамі і лайкамі, распаўсюджвайце відэа і музыку нашых артыстаў.

Пішыце лісты палітвязням. Усю неабходную інфармацыю можна знайсці на сайце politzek.me. Адправіць ліст палітвязням ананімна або з іншай краіны можна праз сайт vkletochku.org.

Прама цяпер 17 тысяч беларусаў выконваюць невялікія заданні для вялікай перамогі ў выглядзе квэста.

Складайце звароты і скаргі – гэта таксама інструмент пратэсту.

Мы запусцілі агульную платформу салідарнасці – усе згаданыя ініцыятывы сабраныя на ёй, і вы прама на сайце можаце ўбачыць, чым і каму дапамагчы.

Адпраўце гэтае відэа і паведамленне кожнаму, хто пытаецца «што я магу зрабіць для перамогі?». Гэтыя дзеянні можа рабіць кожны.

17 жніўня 2021 в 15:02