Беларуская лідарка правяла брыфінг для амбасадараў краінаў ЕС, а таксама Украіны, Канады, ЗША, Нарвегіі і Вялікабрытаніі ў польскай амбасадзе ў Берне.
Падчас выступу Святлана Ціханоўская залікала амбасадараў падтрымаць рэзалюцыю па Беларусі ў Радзе па правах чалавека ААН, якая будзе разглядацца ў сакавіку, а таксама ўзмацніць ціск на рэжым і патрабаваць вызвалення палітвязняў.
Асобна лідарка адзначыла важнасць працягу працы двух механізмаў ААН па Беларусі і падтрымкі імплементацыі 33 артыкулу ў Міжнароднай арганізацыі працы, які быў прыняты ў дачыненні да рэжыму Лукашэнкі ў мінулым годзе.
Важнай тэмай выступу стала супрацоўніцтва з дэмакратычнымі сіламі. Святлана Ціханоўская заклікала прызначаць спецпасланнікаў па Беларусі, як гэта ўжо зрабілі Францыя, Эстонія, Літва, Польшча, Швецыя, Украіна, і неўзабаве зробіць ЗША. Лідарка таксама выказала падзяку шэрагу краінаў, якія ўжо зрабілі заявы аб непрызнанні безвыбараў.
Падчас дыскусіі, якая адбылася пасля брыфінгу, былі абмеркаваныя механізмы прыцягнення рэжыму да адказнасці за злачынствы, у тым ліку – праз універсальную юрысдыкцыю. Асобна лідарка падкрэсліла важнасць дапамогі рэпрэсавным, беларускім незалежным медыя і праваабаронцам.
