У Амбасадзе Літвы ў Празе кіраўніца Аб’яднанага Пераходнага Кабінета Святлана Ціханоўская сустрэлася з амбасадарамі і дыпламатамі Аргентыны, Аўстрыі, Канады, Харватыі, Эстоніі, Фінляндыі, Францыі, Германіі, Грэцыі, Ірландыі, Косава, Люксембургу, Партугаліі, Славаччыны, Славеніі, Іспаніі, Швецыі, Вялікабрытаніі, ЗША і Балгарыі. З нагоды сустрэчы Літоўская абмасада вывесіла бел-чырвона-белы сцяг.
Падчас сустрэчы Ціханоўская распавяла пра вынікі свайго візіту ў Прагу, а таксама падзялілася планамі дэмакартычных сілаў. Пасля адбылася дыскусія. Ціханоўская заклікала дзяржавы прызначаць спецпасланнікаў па сувязях з дэмакратычнымі сіламі, як гэта зрабілі Эстонія, Францыя, Швецыя, Эстонія, Літва, Польшча і іншыя краіны. Лідарка папрасіла спрыяць беларусам у выдачы візаў, выдаваць пашпарты замежніка, не патрабаваць апастылі, а таксама прызнаваць пратэрмінаваныя пашпарты. Асобна абмеркавалі прагрэс у справе выдачы новага беларускага пашпарту.
