На палях Генасамблеі ААН Святлана Ціханоўская сустрэлася з прэм'ер-міністрам Канады Джастынам Трудо. Мінулы раз яны бачыліся ў Атаве год таму. Беларуская лідарка падзякавала Канадзе за падтрымку і папрасіла прэм’ера ўзняць пытанне Беларусі на саміце Вялікай сямёркі (G7).
«Канада актыўна падтрымлівае дэмакратычныя сілы з 2020 года. Дзякуючы канадскай дапамоге, праваабаронцы працягваюць збіраць доказы злачынстваў рэжыму, а шэраг незалежных медыяў аднавілі сваю працу. Мы вельмі ўдзячныя за гэтую дапамогу, але ёсць яшчэ шмат таго, што мы можам зрабіць разам», – адзначыла Ціханоўская пасля сустрэчы.
