Святлана Ціханоўская наведала беларускі каардынацыйны хаб «ПОБАЧ» у касцёле Святога Аляксандра ў Варшаве для дапамогі ўцекачам і перадала гуманітарную дапамогу. «ПОБАЧ» быў запушчаны для падтрымкі беларусаў, якія ўцяклі з краіны па палітычных прычынах, зараз у хабе дапамагаюць і беларусам, і ўкраінцам, якія ўцякаюць ад вайны.
Ціханоўская паразмаўляла з валанцёрамі хаба і ўкраінцамі, якія ратаваліся ад абстрэлаў расійскімі войскамі і атрымалі гуманітарную дапамогу ад ініцыятывы.
На відэа – украінская ўцякачка расказвае сваю гісторыю, а Святлана Ціханоўская кажа, што беларускія вайскоўцы не хочуць ваяваць супраць брацкіх украінцаў, і калі іх адправяць ва Украіну, яны павінны здавацца і пераходзіць на ўкраінскі бок.
