Міністр замежных спраў Латвіі Эдгарс Рынкевічс патлумачыў, што Латвія вымушана прыпыніла выдачу турыстычных візаў для грамадзянаў Беларусі. Пры гэтым гуманітарныя візы, а таксама візы для палітычна рэпрэсаваных, візы на аднаўленне сям'і працягнуць выдаваць – і ўладальнікі гуманітарных візаў змогуць атрымаць від на жыхарства ў Латвіі. Абмежаванні таксама не павінны закрануць арганізацыі, якія рэлакуюцца ў Латвію.
Міністр запрасіў Святлану Ціханоўскую наведаць Рыгу і сустрэцца з урадам, каб знайсці вырашэнні па ўсіх накопленых пытаннях.
