Галоўныя фрагменты ліста:
- Адмена санкцыяў у дачыненні да Лукашэнкі і Пуціна прынясе ім фінансавую перадышку і фальшывае адчуванне перамогі. Такая ўгода ўмацуе перакананасць рэжымаў у тым, што гвалт акупляецца, і ўмацуе ягоныя пазіцыі, што прывядзе да новых рэпрэсій у Беларусі і большай агрэсіі ва Украіне.
- Расійская блакада ўкраінскіх партоў павінна быць неадкладна знятая, каб забяспечыць бяспечны і бесперабойны доступ ўкраінскага збожжа на сусветныя рынкі. Усім зацікаўленым краінам пад кіраўніцтвам ААН пры падтрымцы ЗША, ЕС, Вялікабрытаніі і ўсіх адказных краінаў трэба рашуча прымусіць Расію да гэтага варыянта.
- Пазіцыя ААН павінна быць дакладна сфармуляваная: ціск трэба аказваць на Расію, а не на Украіну і на беларускі народ коштам іх бяспекі і будучыні як незалежных і суверэнных краінаў.
- Лукашэнка страціў здольнасць прымаць суверэнныя рашэнні, яго не лічаць мінімальна надзейным бокам для заключэння пагадненняў. Ён страціў суб'ектнасць, не гаворыць і не дзейнічае ад імя беларускага народа. Лукашэнка абраў стратэгію стварэння крызісаў бяспекі і яго неабходна спыніць, перш чым ён нанясе яшчэ большую шкоду беларускаму народу і міжнароднай бяспецы.
- Замест таго, каб здымаць санкцыі з Лукашэнкі, іх неабходна ўзмацніць, пашырыць іх межы і палепшыць іх выкананне.
