Сёння, 18 сакавіка, місія ЗША ў АБСЕ падтрымала заяву Ціханоўскай аб галасаванні за мірнае вырашэнне крызісу шляхам дыялогу і заклікала Лукашэнку і прадстаўнікоў рэжыму прыняць яе прапанову аб пачатку перамоў. Таксама Місія заклікала партнёраў і саюзнікаў ЗША падтрымаць беларускі народ у яго барацьбе за свабоду і дэмакратыю.
«ЗША з гонарам падтрымліваюць сённяшні заклік да дыялогу паміж уладамі, Каардынацыйнай радай і прадстаўнікамі грамадзянскай супольнасці.
ЗША дзякуюць шведскаму старшыню АБСЕ за прапанову арганізаваць нацыянальны дыялог паміж уладамі Беларусі і тымі, хто заклікае да дэмакратыі і захавання правоў чалавека».
