Зараз Святлана Ціханоўская бярэ ўдзел у сустрэчы міністраў замежных справаў краінаў Еўрасаюза па запрашэнні Вярхоўнага прадстаўніка па замежных адносінах Жазэпа Барэля.
Сярод 27 прадстаўнікоў краін ЕЗ прыстунічалі 20 міністраў, амаль усе ўзялі слова і выказалі падтрымку Беларусі.
У сваім выступе:
– Ціханоўская заклікала змякчыць візавыя працэдуры для беларусаў, узмацніць адукацыйныя і культурныя абмены, працягнуць падтрымку прыватнага бізнесу, не звязанага з рэжымам.
– Працягнуць падтрымку медыям і грамадзянскай супольнасці.
– Не падтрымліваць адносіны з нелегітымным рэжымам Лукашэнкі, і не весці перамовы за спінамі беларусаў.
– Падтрымаць намаганні беларусаў па абароне незалежнасці Беларусі.
– Інстытуцыялізаваць адносіны з дэмакратычнымі сіламі ў Еўрапейскім парламенце, па прыкладзе Рады Еўропы.
– Запрасіць Беларусь у Еўрапейскую палітычную супольнасць (праект ініцыяваны Эмануэлем Макронам), але каб Беларусь прадстаўлялі дэмакратычныя сілы, а не рэжым.
– Падтрымаць беларускіх актывістаў, валанцёраў і добраахвотнікаў ва Украіне.
– Працягнуць супрацу з Беларуссю ў межах Усходняга партнёрства.
У сваім выступе Святлана Ціханоўская заклікала краіны ЕС заступіцца за беларускую незалежнасць: «Мы лічым, што вайну можна скончыць хутчэй, калі расійскія войскі выйдуць і Беларусь пяройдзе да дэмакратыі. Рэжым – гэта як крэсла з трыма ножкамі, на якіх ён стаіць: рэпрэсіі, грошы і Крэмль. Калі рухне хоць адна з гэтых ножак, рухне і ўвесь рэжым. Я заклікаю ЕС дзейнічаць рашуча па вырашэнні крызісу ў Беларусі. Зараз самы час падтрымаць намаганні беларусаў па абароне незалежнасці свайго народа».
