На гэтай сустрэчы Ціханоўская падзякавала Выстрчылу за апошні візіт у Прагу. Старшыня Сената запэўніў, што ўсе палітычныя сілы Чэхіі падтрымліваюць Беларусь.
Ціханоўская заклікала Чэхію:
– Не прымаць з візітамі паслоў Беларусі.
– Паскорыць разгляд спраў пра ўніверсальную юрысдыкцыю.
– Публічна падтрымліваць самыя жорсткія меры па пытанні міграцыі на ўзроўні Еўрапейскага Саюза.
– Унесці тэму Беларусі ў парадак дня чэшскага старшынства ў Еўрапейскім Саюзе ў 2022 годзе.
Таксама яны абмеркавалі адкрыццё ў Чэхіі офіса беларускіх дэмакратычных сіл.
Ціханоўская зазначыла: «Я рада, што Чэхія заўсёды падтрымлівае беларусаў на міжнароднай арэне, прымае рэпрэсаваных беларускіх студэнтаў, дапамагае незалежным беларускім СМІ. Чэхія сама не так даўно прайшла цяжкі шлях да дэмакратыі, таму цудоўна ведае цану свабоды і важнасць салідарнасці».
Падчас свайго апошняга візіту ў Прагу Святлана Ціханоўская сустрэлася з прэзідэнтам Мілашам Земанам, прэм'ер-міністрам Андрэем Бабішам, міністрам замежных спраў Якубам Кулганекам, лідарамі парламента і лідарамі асноўных палітычных партый.
