Далучайцеся да Руху прама цяпер. Вось як гэта зрабіць.
Коратка – галоўнае за дзень працы Руху:
#сабатажпрацырэжыму
- За 23 красавіка маніторынгавая група «Беларускі Гаюн» не зафіксавала ні вылетаў знішчальнікаў, ні запускаў ракетаў з тэрыторыі Беларусі. У той жа час канал працягвае адсочваць перамяшчэнні расійскіх войскаў па Беларусі: частка 1, частка 2, частка 3.
- Таксама канал «Беларускі Гаюн» апублікаваў агляд асноўных падзеяў беларускай прапаганды пра вайну ва Украіне за 23 красавіка: прапагандысты перажываюць за савецкія помнікі ва Украіне і прасоўваюць тэзу пра несамастойнасць Зяленскага.
#падтрымкаўкраінцаўібеларусаў
- Батальён Каліноўскага распавёў пра паступленні новай тэхнікі у аўтапарк батальёна: тры пікапы ад Офіса Святланы Ціханоўскай, два джыпы ад брытанскай дыяспары і адзін джып ад БОР.
- Беларусы Швецыі і Народнае пасольства Беларусі ў Швецыі адправілі аўтамабіль з гуманітарнай дапамогай і амуніцыяй для батальёна Каліноўскага. Аўтамабіль ужо ў Варшаве і хутка будзе ва Украіне.
- Сёння ў Цэнтры Беларускай Салідарнасці ў Варшаве дзяўчаты плялі маскіровачную сетку для беларускіх добраахвотнікаў з батальёна Каліноўскага.
- Беларускі мастак StreetWind у Варшаве намаляваў антываенныя графіці ў падтрымку ўкраінцаў.
- Беларусы Лондана правялі акцыю ў падтрымку Украіны.
#непадпарадкаванне
- Мінчане выказваюць сваю нязгоду з вайной і салідарнасць з украінцамі.
- Партызаны Касцюкоўкі (Гомельская вобласць) выйшлі на пікет.
- Мінчане ў Чыжоўцы працягваюць распаўсюджваць улёткі і стыкеры.
#інфармацыйныфронт
- Выйшаў новы выпуск «Беларусского вестника», у якім распавядаецца пра вялізныя праблемы ў эканоміцы Беларусі з-за дзеянняў Лукашэнкі і якія перспектывы ў тых, хто ваюе за Расію. Спампоўвайце і распаўсюджвайце самвыдат.
- «Честные люди» прапануюць спампаваць актуальныя велікодныя паштоўкі з антываеннымі віншаваннямі, каб рассылаць іх сваякам са старэйшага пакалення.
Кожны можа стаць чальцом Антываеннага Руху цяпер. Вось яго Маніфест.
#BelarusWithUkraine
