Далучайцеся да Руху прама цяпер. Вось як гэта зрабіць.
Коратка – галоўнае за тыдзень працы Руху:
#падтрымкаўкраінцаўібеларусаў
- Фонд BYSOL даслаў камплекты абароны і рыштунку для групы авіяразведкі беларускіх добраахвотнікаў, якія праходзяць падрыхтоўку на базе Prague Support Team.
- Ва ўкраінскім Хмяльніцкім вуліцу Пушкіна перайменавалі ў вуліцу імя Аляксея Скоблі, беларускага добраахвотніка з пазыўным «Тур», які служыў у палку Кастуся Каліноўскага і загінуў у баях пад Кіевам.
- Ініцыятыўная група Support Ukrainian Woman, у якую ўваходзяць GIRLS POWER BELARUS, BYSOL, #BMSF і суполка беларускіх фем-актывістак, пералічылі частку грошай са збору ўкраінскай арганізацыі Community Self-Help. А яны пры падтрымцы #Fondation_Aid даставілі медыкаменты «Бучанскаму цэнтру першаснай медыка-санітарнай дапамогі».
- Prague Support Team адправілі ў полк «Пагоня» неадкладны груз медыцынскіх матэрыялаў, сярод якіх дэкампрэсійныя іголкі, медыцынскія нажніцы, якасныя гемастатыкі HemCon Chito Gauze чэшскай распрацоўкі, апёкавыя кампрэсы і інш.
- Прадстаўніца беларусаў Чэхіі і ўпаўнаважаная Офісам Ціханоўскай па камунікацыях з міністэрствам адукацыі Чэхіі Крысціна Шыянок распавяла пра студэнцкія візы ў Чэхіі і што рабіць беларускім студэнтам у гэтай краіне.
- Беларуска Карына Пацёмкіна з Салігорска атрымала ў Бучы падзяку за валанцёрскую дзейнасць.
- Аляксандра Герасіменя арганізавала пастаўку ва Украіну ў супрацоўніцтве з Гуманітарным цэнтрам дапамогі ДАР.
- Беларусы Кракава, Рыгі, Торуня і Быдгашча, правялі акцыі ў падтрымку ўкраінцаў, беларусаў і палітвязняў.
#непадпарадкаванне
- У Чыжоўцы педафіл палюе на дзяцей, але міліцыя занятая іншым – стральбой па падлетках у Каскадзе. Мінчане Чыжоўкі выйшлі на пікет, каб расказаць пра гэта і папярэдзіць дзяцей.
- «Не маўчы пра вайну». Мінчане правялі акцыю каля помніка Тарасу Шаўчэнку ў Мінску.
- Беларусы Бараўлянаў выйшлі на пікет супраць рэжыму.
- Партызаны Давыд-Гарадка перадалі прывітанне ўсім беларусам.
#сабатажпрацырэжыму
- BYPOL выпусціў новае расследаванне пра прапагандыстаў: у ім расказваецца пра тое, як яны распальваюць нянавісць, ачарняюць нацыянальную культуру, а таксама прыводзіцца праслухоўванне іх размоваў.
#інфармацыйныфронт
- Баец палка Каліноўскага звярнуўся да ўкраінцаў: «Валанцёр з'едзе – нашыя хлопцы не атрымаюць прыборы начнога бачання. Уначы прыйдуць рускія і перарэжуць як сляпых кацянятаў. Пасты нянавісці да беларусаў – праца на ворага».
- Спецдакладчыца ААН па сітуацыі з правамі чалавека ў Беларусі прэзентавала свой штогадовы даклад: «Краіна пагрузілася ў атмасферу беззаконня і страху».
- Пра сваркі беларусаў і ўкраінцаў: добраахвотнік Сяргей Бяспалаў расказвае, чаму яны толькі на карысць прапагандзе і Крамлю, як насамрэч беларусы змагаюцца за свабоду Украіны, што ім за гэта пагражае ў Беларусі і чым у рэшце рэшт скончацца гэтыя сваркі.
- Выйшла новая газета «7 чижей»: у ёй распавядаецца пра акцыі падтрымкі, навіны Антываеннага руху і інш.
- Таксама выйшаў новы самвыдат «Слова беларусаў»: у ім распавядаецца пра экс-кіраўніка ГУБАЗіКа, які стрэліў у падлетка, адзін дзень са Святланай Ціханоўскай і якой яе ўбачылі журналісты, што адбываецца з беларускай культурай і інш.
#BelarusWithUkraine
