Сёння Святлана Ціханоўская выступіла на мерапрыемстве Камісіі ААН па становішчы жанчын, прысвечаным тэме лідарства жанчын і бяспечнай працы праваабаронцаў, чальцоў жаночых арганізацый і фемінісцкіх рухаў. Суарганізатарам дыскусіі стала Міністэрства замежных спраў, ЕС і міжнароднага супрацоўніцтва Іспаніі.
У сваім выступе Святлана Ціханоўская:
– распавяла пра рэпрэсіі над праваабаронцамі, прадстаўнікамі жаночых супольнасцяў у Беларусі;
– падзялілася гісторыямі актывісткі-феміністкі Юліі Міцкевіч, кіраўніцы дзіцячага хоспіса Вольгі Вялічка;
– паведаміла пра формы рэпрэсій рэжыму Лукашэнкі супраць жанчын, пра нечалавечыя ўмовы ўтрымання ў турмах і 49 жанчын сярод палітычных зняволеных;
– заклікала ўдзельнікаў мерапрыемства быць больш актыўнымі і аказваць больш дапамогі беларускім жанчынам.
Спікеркамі панэльнай дыскусіі таксама сталі дзяржсакратарка па замежных справах краін Лацінскай Амерыкі і карыбскага басейна ўрада Іспаніі Крысціна Галах, туніская адвакатка і палітык Бохру Белхадж Хміда, каардынатарка Глабальнай рады моладзі карэнных народаў Мексікі Джэсіка Вега Артэга.
