На гэтым тыдні Ціханоўская наведала Прагу і Берлін, правяла тэлефанаванні з лідарамі краін ЕС. Мэта – паставіць Беларусь на парадак дня, дамагчыся новых санкцый і арганізаваць дапамогу беларусам. Пачалася праца па арганізацыі міжнароднай канферэнцыі па вырашэнні крызісу ў Беларусі.
- Ціск на рэжым
– Падчас візіту ў Берлін Ціханоўская сустрэлася з кандыдатамі на пасаду канцлера Германіі з верасня – Аналенай Бярбок і Армінам Лашэтам. Лашэт пацвердзіў, што трэба ўзмацніць ціск на рэжым і выказаўся ў падтрымку больш шырокіх санкцый. Ціханоўская перадала ў МЗС і канцылярыю Меркель спіс прапаноў па рэакцыі на згон самалёта.
– Ціханоўская наведала Чэхію: сустрэлася з прэзідэнтам, прэм'ер-міністрам, міністрам замежных спраў, дыяспарай і выступіла ў Сенаце. МЗС Чэхіі падтрымае 4 і 5 пакеты санкцый супраць саўдзельнікаў Лукашэнкі. Ціханоўская заклікала да стварэння міжнароднага расследавання злачынстваў рэжыму, якое прывядзе да міжнароднага трыбуналу.
– Еўрапарламент абсалютнай большасцю прагаласаваў за рэзалюцыю па Беларусі, якая распрацоўвалася пры падтрымцы Офіса. Рэзалюцыя заклікае да рашучых дзеянняў – ад сектаральных санкцый да пашыранай падтрымкі народа Беларусі. Падрабязнасці – тут.
– Ціханоўская выступіла ў Камітэце па замежных справах Сената ЗША і акрэсліла пазіцыю беларускіх дэмсіл перад самітам G7 і сустрэчай Байдэна і Пуціна.
– Офіс Ціханоўскай правёў перамовы з канцылярыяй Себасцьяна Курца і прадстаўнікамі МЗС Аўстрыі аб арганізацыі канферэнцыі высокага ўзроўня па вырашэнні крызісу ў Беларусі. Правядзенне канферэнцыі ўжо падтрымалі і Еўрапарламент, Германія, Вялікабрытанія і іншыя краіны.
– Па асабістым запрашэнні Курца Ціханоўская выступіла на Еўрапейскім эканамічным форуме ў Вахаў: «Рэжым ператварае нашу краіну ў вялікі турэмны лагер».
– З канцылярыяй Ангелы Меркель і прадстаўніцтвам ЕС Ціханоўская правяла кансультацыі аб пашырэнні Усёабдымнага плана дапамогі Беларусі і правядзенні інвестыцыйнага форуму.
– Ціханоўская правяла кансультацыю з нямецкімі юрыстамі, якія падалі пазоў супраць Лукашэнкі, і заклікала федэральнага пракурора паставіць справу ў прыярытэт. Таксама яна правяла сустрэчу з юрыстамі па паветраным праве з нагоды магчымага пазову супраць рэжыму з боку бацькоў Пратасевіча, а таксама Польшчы і Ірландыі, якім належаў борт Ryanair.
– Краіны G7 заявілі, што рэжыму трэба прыняць, што крызіс у Беларусі вырашальны – з дапамогай новых выбараў прэзідэнта.
- Дапамога і салідарнасць
– Падчас візіту ў Чэхію Ціханоўская дамовілася пра пашырэнне праграмы рэабілітацыі рэпрэсаваных і параненых (Medevac), стыпендыі і стажыроўкі для беларускіх студэнтаў і спецыялістаў.
– Ціханоўская абмеркавала з МЗС Германіі і канцылярыяй Меркель пашырэнне праграм дапамогі для рэпрэсаваных беларусаў (цяпер Германія вылучае стыпендыі для дактароў, спартоўцаў, працоўных, сем'яў рэпрэсаваных) і прапанавала падтрымаць месячную рэабілітацыю для сем'яў палітвязняў.
– Прадстаўнік Ціханоўскай па эканамічных пытаннях Алесь Аляхновіч з Сяргеем Гурыевым правёў публічнае абмеркаванне, якія праграмы падтрымкі беларусаў і эканомікі краіны стануць даступныя Беларусі пасля перамогі дэмакратыі.
– Ціханоўская разам з сястрой Марыі Калеснікавай Таццянай Хоміч наведала прэм'еру фільма беларускага рэжысёра Аляксея Палуяна «Кураж» пра беларускія пратэсты на кінафестывалі Берлінале.
- Падтрымка пратэстнага руху
– Тысячы людзей зарэгістраваліся ў чат-боце плана «Перамога». Мэтай плана з'яўляецца бяспечна арганізаваць рух супраціву. Адказы на самыя частыя пытанні пра план – тут.
– Ціханоўская ў інтэрв'ю беларускім і замежным выданням распавяла пра сітуацыю ў Беларусі: Радыё Свабода, CNN, Current time, Forum (Чэхія), DVTV (Чэхія), Seznam zpravy (Чэхія), CT24 (ТБ Чэхія), Hospodarske noviny (Чэхія), Suddeutsche Zeitung (Германія), Frankfurter Allgemeine (Германія), Tagesspiegel (Германія), DW (Германія), ARTE (Германія, Францыя).
