• Навіны
  • Офіс
  • Новая Беларусь
  • Партнёры
  • Кантакты
  • Беларуская
  • Навіны
  • Офіс
  • Новая Беларусь
  • Партнёры
  • Кантакты
  • Святлана Ціханоўская падчас удзелу ў Давоскім форуме пракаментавала завочны суд рэжыму над сабой

    17 студзеня, 2023

    «Сёння пачынаецца тая самая «завочная судовая вытворчасць», якую рэжым пачаў супраць мяне. Абвінавачваюць ва ўсіх магчымых злачынствах па 10 артыкулах. Сур'ёзна каментаваць гэты фарс складана, але ігнараваць гэтае парушэнне правоў я не збіраюся.

    Пра працэс мне і маёй камандзе ўдалося высветліць няшмат. Пра суд я даведалася са СМІ, а не з афіцыйнага апавяшчэння. Мне адмовілі ў праве ўдзельнічаць у паседжанні, а таксама атрымаць копіі абвінавачання і пратаколаў. А імя і прозвішча майго «абаронцы», прызначанага судом, мне паведамілі толькі ў мінулую пятніцу. З улікам выходных мне проста не пакінулі магчымасці абмеркаваць з адвакатам стратэгію абароны. Вось такое «правасуддзе».

    Але і гэта – не ўсё. Прызначаны адвакат, нягледзячы на мае спробы з ім звязацца, на сувязь так і не выйшаў. Як ён збіраецца мяне абараняць? Упэўненая, што гэта і не ўваходзіла ў яго планы.

    Што я хачу сказаць усім, хто ўдзельнічае ў гэтым працэсе, ад замоўнікаў справы, да суддзяў, пракурораў, следчых і таго самага абаронцы: я ведаю, што сваімі дзеяннямі вы спрабуеце запалохаць і дыскрэдытаваць мяне. Але вы толькі даяце прамыя доказы сваіх злачынстваў супраць народа Беларусі.

    За гэтыя два гады са мной, як і з усімі беларусамі, адбыліся вялікія трансфармацыі. Мы кожны дзень глядзім у вочы страху і стомленасці – і працягваем працаваць дзеля Беларусі будучыні. Тры гады таму я не думала, што некалі мяне будуць пераследаваць у завочным судзе. Але я і не думала, што мне выпадзе гонар упершыню за 30 гадоў прадстаўляць нашую краіну і будучыню яе эканомікі на найважнейшым эканамічным форуме ў Давосе.

    Гэтая будучыня настане, і яе непазбежнасць вас палохае. Беларусь будзе свабоднай, незалежнай, мірнай і паспяховай краінай. І тое, як вы, саўдзельнікі гэтых судзілішчаў, баіцеся гэтай будучыні – не прымусіць ні мяне, ні беларусаў спыніцца на шляху да сваёй мары».

    Апошнія навіны