Святлана Ціханоўская: «Ціск на студэнтаў і выкладчыкаў не спыняецца з самага пачатку навучальнага года. Выкладчыкаў звальняюць, студэнтаў адлічваюць, кагосьці пасля гэтага забіраюць у войска. Многія месяцамі знаходзяцца за кратамі.
А хто сядзіць? Самыя смелыя, самыя актыўныя, самыя ўстойлівыя.
Сядзяць тыя, хто абаранялі студэнтаў – як Алана Гебрэмарыям. Яна ўсю восень дапамагала людзям, якіх спрабавалі адлічыць за жаданне жыць у свабоднай Беларусі. Яна не з'язджала з краіны, хоць разумела, што за ёй могуць прыйсці.
Сядзяць тыя, хто займаліся з дзецьмі па добрай волі і вучылі іх маляваць – як Яна Арабейка. Яна дапамагала палітвязням і ўсім затрыманым, дапамагала валанцёрам і імкнулася падтрымаць кожнага беларуса.
Сядзяць тыя, хто спрабавалі змяніць Беларусь да лепшага – як усе палітвязні.
У нашых сілах дапамагчы ім: трэба падпісаць паручальніцтва і наблізіць магчымасць вызвалення студэнтаў як мінімум да суда.
Што для гэтага патрабуецца?
1. Выбраць палітвязня, за якога вы ручаецеся (можна за ўсіх адразу).
2. Спампаваць і запоўніць узор.
3. Адправіць поштай па ўказаным адрасе.
Зрабіць гэта можна па спасылцы да 12 лютага ўключна».
